以下 , 係最近一個個案 , 係經過當事人既同意底下 , 我先至係呢度公開 , 為左令各位更加明白 , 我 , 會以第一人稱講述呢件事 .
我 , 叫阿森 , 係一個十九歲既女仔 , 今年係預科生 , 我本身屋企好窮 , 一家五口爸爸媽媽每月既收入只可足夠糊口 , 過左中五 , 我唔想增加屋企負擔 , 我以做 Part-time 為借口 , 其實我係出嚟 TRADE 賺取學費同零用 , 一來可以減輕屋企負擔 , 二來 , 做家姐既 , 亦可以令我兩個細佬有零用錢買小食 . 唔駛每次小息見到同學仔買小食而自己想食都冇錢買 .
天意弄人 , 我半年前係網上遇到一個叫 Tom 既男人 , 我地本來 make 咗 deal 出嚟 Trade , 但佢話想飲杯野先至 Trade . 我地係尖東近噴水池露天洒吧見面 , 初初見佢我真係好驚 , 佢個樣好惡咁 , 但佢幫我 order 野飲 , 又好關心問我點解出嚟 Trade , 我當時就照直毫無保留咁講我既野俾佢知 , 嗰一刻 , Trade 咁耐 , 我未試過俾人關心過 , 就係咁 , 我同佢去開房 , 但我地冇正式做到 , 但我幫佢用口解決咗…. 到收錢既時候 , 佢同我講飲完野唔記得襟機攞錢 , 佢問我要咗過 Account Number , 過幾日會入錢 , 但事實上佢冇入返錢俾我 , 佢係電話講佢唔想同我既關係只係 Trade , 不如做佢女朋友 , 我見佢真係像做生意既模樣 , 況且我真係想人包 , 唔想成日同唔同既人Trade , 所以 , 同佢一齊咗 .
打後呢數個月 , 佢話大陸生意因雪災關係受到好大影響 , 週轉唔到 , 每隔一斷時間會問我借錢 , 佢話會俾返我不特止 , 重話會記住我呢份真情 , 我問佢你屋企人唔幫你嗎 , 佢就答我佢屋企人巳移民外地 , 只有我先可以幫到佢 , 當時我既然同佢一齊 , 我只有盡我能力幫佢 , 當借無可借 , 佢居然暗示我可以出黎Trade 搵錢幫佢度過難關 , 佢話佢巳經當咗我係佢既寶貝 , 我諗住你咁有錢又做生意 , 唔會呃我 , 反正都 trade 過我都唔太介意 , 我相信佢短期內可以還到錢俾我之餘重可以照顧我 , 現在想返都覺得点解自己咁蠢相信佢 . 前前後後 , 我以TRADE 賺返黎既錢全數俾咗佢 , 由於相信佢 , 我甚至連自己既學費 , 都全部交咗俾佢 , 後來 , 佢話佢有肝病 , 只係得返三個月命 , 又俾藥同唔知咩醫生紙俾我睇叫我信佢 , 呢幾個月我 , 向性方面要我盡量滿足佢 , 做好多變態野 , 甚至要我搵多個女仔陪佢玩嚟滿足佢…..我想唔到点解我要做到賤 .
最近 , 我見到有關呢個人既 BLOG 係 SHE.COM 出現 , 原來佢個真名叫 Andy , 相片係佢同另一個女仔影既相 , 呃人手法同我遇到既差唔多一模一樣 , 思前想後 , 才知道比佢呃咗 ……
睇到呢度 , 你或者會話我蠢同抵死 , 但我係想講 , 非不得意 , 你估我想去 Trade 嗎 ? 遇到佢 , 我不但從未試過咁傷心 , 重非常之後悔 , 本來我真係想過自殺 , 但好彩有契哥既開解 , 同時亦識到數過好似我一樣俾佢呃過既女仔 , 佢地教識我点樣可以避咗個衰人 , 只要我重有 KEEP 入數紀錄 , 就有辦法 追返 D 錢 . 我唔係想人同情 , 只係唔想其他女仔好似我咁蠢比佢呃 !
